منوعات عالميه : مايو 2019

الخميس، 16 مايو 2019

الزيت المتعدد

بيكون مخصص لدرجة حرارة محددة بتختلف درجة اللزوجة على حسب الجو يعني مثلا زيت : SAE: 5w-30 الرقم قبل الw معناة معدل تدفق الزيت في الجو البارد (w اختصار لwinter يعني فصل الشتاء) والرقم بعد الفصلة درجة تحمل الزيت للحرارة ، طبعا بما اننا في الصيف فلابد الرقم دة يكون عالي والرقم الاول مش مهم يكون عالي لان الجو مش برد. اما الزيت الاحادي فهو مناسب لاجواء محددة يعني مثلاً SAE: 5w, 10w, 15w, 20w يعني زيت مناسب للجو البارد ، لكن لو مفيش حرف w مثلاً: SAE: 20, 30, 40, 50 يعني زيت مناسب للجو الحار (لاحظ عدم وجود حرف w)

🌷🌷وهنا باقى الروابط التى تحتاج اليها🌷🌷

اسباب تلف ترس الفلام وبلى المرش فى الموتوسيكل حلقة (83)

بسم الله الرحمن الرحيم

اسباب تلف ترس الفلام وبلى المارش فى الموتوسيكل:-

كثيرا منا يعانى من تلف ترس الفلام وعدم تشغيل المارش بيكون البلى يلف على الفاضى ودا سببه بيكون احيانا بسبب ترس الفلام بيكون فيه بوش وتكون الجلبه فيها تاكل وهذا له اسباب عديدة والان نترككم مع الفيديو لكى يكون الشرح افضل لكم

🌷🌷وهنا باقى الروابط التى تحتاج اليها🌷🌷

الثلاثاء، 14 مايو 2019

بنزينك ايه 80/90/92 تعرف علية

بسم الله الرحمن الرحيم

-:بنزينك اية:-

بنزين ٨٠ ولا ٩٢ ولا ٩٥ وليه ديتونشن ؟؟؟ وايه اللي يناسب نوع الموتوسيكل بتاعك السلام عليكم ورحمة الله اولا احب اتكلم عن فكره مغلوطه عند معظم الناس وهي إن بنزين ٨٠ هو أسوأ بنزين من ناحيه الشوائب والتكرير والنضافه وما شابه ذلك النقطه دي مغلوطه جدا وكل البنزين اللي ف السوق شبه بعضه وعلى شكله الأولى الاختلاف بس ف نقطتين اول نقطه ان بنزين ٨٠ غير منقي من الرصاص تاني نقطه هي أن البنزين كله نوع واحد وبيفرق بس ف نسبه (الاوكتان) الاوكتان دا هي الماده اللي بتضاف الي البنزين الأولى عشان تخليه يتحمل ضغط معين قبل ما يتم عمليه الانفجار أو الاشتعال داخل الغرفه نسبه الاوكتان ف البنزين هي اللي بتحدد درجته ورقمه زي بنزين ٨٠ يحتوي على ٨٠٪ اوكتان + ٢٠٪ مواد بتروليه مشتقه ومعظمها غير مشتعل بالمره طيب ليه في درجات اوكتان مختلفه درجات الاوكتان المختلفه عشان تخدم كل مستخدم حسب نوع المحرك بتاعه وسنه التصنيع والموديل وطريقه التشغيل وحجم غرفه الضغط ودي نحط تحتها ١٤ خط لان الكلام كله على غرفه الضغظ البستم وهو ف اعلي نقطه ليه بيكون ضاغط بنزين دخل الغرفه مسبقا عن طريق الصباب الخاص بشفط البنزين حلو كدا لما يكون البستم فوق والبنزين مضغوط ف المكان الفاضي ف الغرفه المفروض شمعه الاحتراق (سبارك بلج أو البوجيه) تشتعل فا يحصل الحريق وبعدين الهواء الناتج عن الحريق يتمدد فا يدفع البستم الاسفل فا تحدث الحركه الميكانيكيه من الاحتراق وهكذا الغرفه دي ليها مقاسات والمفروض كل مقاس يناسبه بنزين معين يحتوي على نسبه اوكتان معينه مثلا لو الغرفه مثلا مقاسها (ودا مثال للتوضيح عشان الكل يفهم) ٥ تمام كدا والبنزين ال٨٠ بيحترق عند ضغط ٤ واللي صنع الموتوسيكل قالك حط بنزين ٩٢ عشان بيتحمل ضغط ٥ ايه هايحصل؟ بنزين ٨٠ اول ما يدخل الغرفه والبستم طالع عشان يضغطه عشان يتم عمليه الاحتراق البنزين هايتحرق ذاتيا من قبل ما الشمعه تشتعل وطبعا هاينتج عنه انفجار هايخلي البستم ينزل تحت تاني والصباب يفتح ويطلع العادم والتاني يفتح يدخل بنزين غيره ويجي البستم يطلع تاني عشان يضغط البنزين برضو يحصل احتراق ذاتي من البنزين وهكذا يحصل حاجه اسمها تسقيف (ديتونشن) وتلاقي المحرك بيهتز وميقفش على السلانسيه ليه كدا؟؟؟ عشان بنزين ٨٠ بيتحمل ضغط اقل من بنزين ٩٢ والمصنع اوصي ب ٩٢ عشان فيه اوكتان أعلى عشان بيتحمل البستم لما يطلع فوق خالص وبعدين يشتعل فا يحصل انفجار طبيعي وحركه طبيعيه مش هادخل ف تفاصيل ايه اضرار البنزين ال٨٠ و ٩٢ أو حتى ٩٥ على المحرك كمان في حاجه مغلوطه جدا جدا جدا البنزين ٩٥ حامي الكلام مش صحيح بالمره ولا يمت للحقيقه بصلة كل ما في الموضوع ان بنزين ٩٥ معامل بنسبه اكوتان تخول له أنه يتحمل ضغط اعلي وبذلك تضمن راحه اكتر وحركه ميكانيكيه سليمه ١٠٠٪ ولو معاك تحط ٩٥ ف الموتوسيكل بتاعك توكل على الله وحط دا غير أنه مش بيخلص بسرعه زي ما برضو معروف ومغلوط وعايز اقولك معلومه كدا على هامش الكلام بنزين ٩٢ اوفر من بنزين ٨٠ ف الطرق السريعه والزحمه بنزين ٩٥ اوفر من ٩٢ و ٨٠ ف الطرق السريعه تخيل تخيل بس طيب انت قولت الكلام دا كله ومقولتش احط بنزين ايه حط بنزين ٩٢ هايوفر معاك ويريحك لو موتوسيكل أو سكوتر بتاعك موديل فوق ٢٠١٥ ولو تحت ٢٠١٥ حط بنزين ٨٠ وانت مطمن لو انت فوق ٢٠١٥ وعايز تحط ٨٠ حطه بس مش ديما يعني خليك كل كام يوم حط فويل ٩٢ لو عايز تحط ٨٠ على ٩٢ مفيهاش اي مشكله خالص خالص خالص خالص خالص خالص خالص خالص خالص لو جبت كوبايه ميه ومليت نصها سكر وحطيت على النص التاني ميه وقلبت وجبت كوبايه ميه وحطيت فيها معلقه سكر وقلبت دي طعمها مسكر اوي ودي طعمها يكاد يكون مسكر لو قلبت الاتنين مش هاتنفجر ف وشك الاتنين مصدر واحد ومن نفس المنبع الفرق ف كميه السكر بس هتلاقي نسبه السكر انقسمت على الكوبايتين والطعم بقى مسكر ف الكل حاولت أوضح معلومه بسيطه ويارب اكون افدتكم وشكرا جزيلا اللي عنده سؤال يتفضل

🌷🌷وهنا باقى الروابط التى تحتاج اليها🌷🌷

يا ربّ أغلقت الأبواب إلّا بابك

بسم الله الرحمن الرحيم

يا ربّ أغلقت الأبواب إلّا بابك:-

يا ربّ أغلقت الأبواب إلّا بابك، وانقطعت الأسباب إلا إليك، ولا حول ولا قوة إلّا بك. يا ربّ اللهمّ إنّي ومن ظلمني من عبيدك، نواصينا بيدك، تعلم مستقرّنا ومستودعنا، وتعلم منقلبنا ومثوانا، وسرّنا وعلانيّتنا، وتطّلع على نيّاتنا، وتحيط بضمائرنا، علمك بما نبديه كعلمك بما نخفيه، ومعرفتك بما نبطنه كمعرفتك بما نظهره، ولا ينطوي عليك شيء من أمورنا، ولا يستتر دونك حال من أحوالنا، ولا لنا منك معقل يحصّننا، ولا حرز يحرزنا، ولا هارب يفوتك منّا. اللهمّ إنّ الظالم مهما كان سلطانه لا يمتنع منك فسبحانك أنت مدركه أينما سلك، وقادر عليه أينما لجأ، فمعاذ المظلوم بك، وتوكّل المقهور عليك. اللهمّ إنّي أستغيث بك بعدما خذلني كلّ مغيث من البشر، وأستصرخك إذ قعد عنّي كلّ نصير من عبادك، وأطرق بابك بعدما أغلقت الأبواب المرجوّة، اللهمّ إنّك تعلم ما حلّ بي قبل أن أشكوه إليك، فلك الحمد سميعاً بصيراً لطيفاً قديراً. يا ربّ ها أنا ذا يا ربّي، مغلوب مبغيّ عليّ مظلوم، قد قلّ صبري وضاقت حيلتي، وانغلقت عليّ المذاهب إلا إليك، وانسدّت عليّ الجهات إلا جهتك، والتبست عليّ أموري في دفع مكروهه عنّي، واشتبهت عليّ الآراء في إزالة ظلمه، وخذلني من استنصرته من عبادك، وأسلمني من تعلّقت به من خلقك، فاستشرت نصيحي فأشار عليّ بالرغبة إليك، واسترشدت دليلي فلم يدلّني إلاّ عليك، فرجعت إليك يا مولاي صاغراً راغماً مستكيناً، عالماً أنّه لا فرج إلاّ عندك، ولا خلاص لي إلاّ بك، أثق بوعدك في نصرتي، وإجابة دعائي، فإنّك قلت جلّ جلالك وتقدّست أسماؤك: (ادْعُونِي أَسْتَجِبْ لَكُمْ)،[١] وأنا فاعل ما أمرتني به لا منّاً عليك، وكيف أمنّ به وأنت عليه دللتني، فاستجب لي كما وعدتني يا من لا يخلف الميعاد. وإنّي لأعلم يا رب أنّ لك يوماً تنتقم فيه من الظالم للمظلوم، وأتيقّن أنّ لك وقتاً تأخذ فيه من الغاصب للمغصوب، ولا يخرج عن قبضتك أحد، ولا تخاف فوت فائت، ولكن ضعفي يبلغ بي على أناتك وانتظار حلمك، فقدرتك يا ربّي فوق كلّ قدرة، وسلطانك غالب على كلّ سلطان، ومعاد كلّ أحد إليك وإن أمهلته، ورجوع كلّ ظالم إليك وإن أنظرته. يا ربّ إنّي أحبّ العفو لأنك تحبّ العفو، فإن كان في قضائك النافذ وقدرتك الماضية أن ينيب أو يتوب، أو يرجع عن ظلمي أو يكفّ مكروهه عنّي، وينتقل عن عظيم ما ظلمني به، فأوقع ذلك في قلبه السّاعة الساعة وتب عليه واعفُ عنه يا كريم. يا ربّ إن كان في علمك به غير ذلك، من مقام على ظلمي، فأسألك يا ناصر المظلوم المبغي عليه إجابة دعوتي، فخذه من مأمنه أخذ عزيزٍ مقتدر، وأفجئه في غفلته، مفاجأة مليك منتصر، واسلبه نعمته وسلطانه، وأعره من نعمتك التي لم يقابلها بالشكر، وانزع عنه سربال عزّك الذي لم يجازه بالإحسان، واقصمه يا قاصم الجبابرة، وأهلكه يا مهلك القرون الخالية، وأخذله يا خاذل الفئات الباغية. اللهمّ أرغم أنفه، وعجّل حتفه، ولا تجعل له قوّة إلاّ قصمتها، ولا كلمة مجتمعة إلا فرّقتها، ولا قائمة علوّ إلاّ وضعتها، ولا ركناً إلاّ وهنته، ولا سبباً إلاّ قطعته . يا ربّ اللهمّ عليك بمن ظلمني، اللهمّ خيّب أمله، وأزل ظلمه، واجعل شغله في بدنه، ولا تفكّه من حزنه، وصيّر كيده في ضلال، وأمره إلى زوال، ونعمته إلى انتقال، وسلطانه في اضمحلال، وأمِتْه بغيظه إذا أمتّه، وأبقه لحزنه إن أبقيته، وقني شرّ سطوته وعداوته، فإنّك أشدّ بأساً وأشدّ تنكيلاً. يا ربّ إنّ الظالم جمع كل قوّته وطغيانه، وأنا عبدك جمعت له ما استطعت من الدّعاء، يا ربّ فاستجب لدعوة عُبيدك المظلوم وانصرني فإنّك يا كريم قلت لدعوة المظلوم بعزّتي وجلالي لأنصرنّك ولو بعد حين. يا رب إن الظالم ملك أسباب القوة في الدنيا، وأنا عبدك لا أملك إلا إيماني بك وتوكلي عليك ودعائي لك، يا رب إن الظالم جمع جنده وسلاحه وسجونه وزنازينه ومنع عني الأهل والأحباب وتركني في ظلمة الزنزانة على الأرض والتراب، وأنا عبدك جمعت له ما استطعت من الدعاء. يا رب تمنيت لمن ظلمني الهداية والتوبة وتمنى هلاكي وتدميري، ولا حول ولا قوة إلا بك، فمنّ يا رب على دعوة عبدك المسكين الفقير بالنصر ولو بعد حين. رفعت يدي إلى الله وقلت يا رب أغلقت الأبواب إلا بابك، وانقطعت الأسباب إلا إليك، ولا حول ولا قوة إلا بك يا رب، اللّهم إنّي ومن ظلمني من عبيدك، نواصينا بيدك، تعلم مستقرّنا ومستودعنا، وتعلم منقلبنا ومثوانا، وسرّنا وعلانيتنا، وتطلع على نيّاتنا، وتحيط بضمائرنا، وعلمك بما نبديه كعلمك بما نخفيه، ومعرفتك بما نبطنه كمعرفتك بما نظهره، ولا ينطوي عليك شيء من أمورنا، ولا يستتر دونك حال من أحوالنا، ولا لنا منك معقل يحصننا، ولا حرز يحرزنا، ولا هارب يفوتك منّا. اللهم عليك بالظالمين فإنهم لا يعجزونك، حسبنا الله ونعم الوكيل، اللهم يا مجيب الدعاء، أسألك بعزّتك وبقوتك، أن ترينا في الظالمين عجائب قدرتك. اللهم أهلك الظالمين، ودمّرهم، وشلّ أيديهم وأرجلهم، واجعلهم عبرة للمعتبرين

🌷🌷وهنا باقى الروابط التى تحتاج اليها🌷🌷

الزيت مع البنزين مفيد ولا مضر

بسم الله الرحمن الرحيم

الزيت مع البنزين مفيد ولا مضر:-

هاتحط زيت ف التانك مع البنزين؟؟؟ طب الزيت مع البنزين مفيد ولا مضر؟ طب انا شوفت ناس بتحط زيت ف التنك مع البنزين!! السلام عليكم ورحمة الله النهارده هانتكلم عن الزيت ف التانك مع البنزين رمضانكم مبارك وكل عام وانتم بخير بعيدا عن الفتى والهبد هانتكلم عن الزيت مع البنزين من منطلق علمي بحت كالعاده واحد بيقول انا شوفت ناس بتحط زيت مع البنزين ف التانك ايه رايك فيهم؟؟ اقوله تمام ياباشا دا أكيد واحد راكب مكنه ثنائي الأشواط (2 stroke) يعني يا اما جاوا يا اما ياماها ٦٣ يا اما فيسبا بي إكس أو أم زد أو سي زد لان المكن دا كله ثنائي الأشواط طب دا مش موضوعنا بس هاقولك نبذه بسيطه عن ثنائي الأشواط اولا ثنائي الأشواط مفيهوش صبابات ولا فيه كاتينه تقسيمه أو اوفر هيد الثنائي الاشواط عباره عن سلندر فيه فتحات من الجنب وبستم فيه فتحات من الجنب وشفط البنزين بيكون عن طريق الكرنك اللي بيكون هو ودراع بي ال والبستم ف النار ايوه كل دول بيكونوا ف النار ودا اللي بيخلي مستخدم ثنائي الأشواط يحط زيت مع البنزين عشان يبرد ويعمل ليونه على دراع البي ال والكرنك والبستم ومن فوق مفيش غير رأس سلندر وفيه فتحه بوجيه فقط لا غير لا غير وفتحه الاكزوست (العادم) بتكون ف السلندر نفسه عشان منتوهش من بعض دي نبذه بس كدا صغيره عن التو ستروك ولاحقا بإذن الله نتكلم عنه بالتفصيل طيب نتكلم عن رباعي الأشواط يعني بنللي ودايو ٦ وكل المكن الموجود حاليا تقريبا انت عايز تحط زيت ف التانك؟؟؟ انا مش هاحجر عليك طبعا واقولك تحط ايه ومتحطش ايه بس واجبي اني انبهك ايه اضرار وفوايد الزيت ف التانك ولك حريه الاختيار طيب نتكلم عن فوايد الزيت ف التانك وشروط اني احط زيت ف التانك اولا لو عندي مكنه جديده لسه جايه دلوقتي حالا وعايز ادورها عشان تقف دقيقتين كدا والقطع تتعرف على بعضها هاحط شويه زيت ف التانك اللي هي ممكن تكون ١٠٠ مللي زيت ليه ؟؟؟ عشان انا عايز النار اللي ف الغرفه تكون ضعيفه بالذات ف بدايه التشغيل لأول مره وهاقولك علميا ليه بحط زيت لان لو داخل الغرفه مثلا ف المره الواحده ١ مللي بنزين هاينتج عنه احتراق ١ مللي بنزين جهد لو انا حطيت زيت على البنزين هايدخل الغرفه ١ مللي الا ربع بنزين و ربع مللي زيت كمثال هاينتج عنه جهد اقل من البنزين لوحده ودا هايكون مؤقتا لحد ما الأجزاء بس تتعرف على بعضها لأول مره نفس الطريقه بتاعت الزيت دي تعملها لما تكون خارط بستم جديد وعايز تقف تلين ربع ساعه مثلا ولتكن اول ربع ساعه بعد التركيب واللي بيكون بدوره اصلا مليان وغرقان ف الزيت لان الميكانيكي بيركب البستم وهو غرقان زيت وطبعا دا بيطلع بعد يمكن ربع ساعه من التشغيل لأول مره بعد التركيب لو عندك صدأ ف التانك الزيت مش بيطلعه زي ما الناس بتقول الصدأ بيجي من حاجتين اولهم انك غسلت المكنه وفي ميه دخلت من أي فتحه ف جوان غطا التانك أو أنك بتحط بنزين من حد ف الشارع وعليه ميه أو بنزينه قديمه والتانكات مصديه عايز تطلع الصدأ اللي ف التانك قدامك حلين يا اما تحط مزيل صدأ مع البنزين ودا مش هايضرك ف حاجه غير ان ريحته هاتكون وحشه لما يتحرق يا اما تحل التانك خالص وتفضيه وبعدين تغسله بمزيل صدأ وبعد ما تخلص تغسل بخل وصابون وتنشف كويس جدا وتركب وتحط بنزينك وتتوكل على الله اضرار الزيت الزيت على المدي القريب ملوش اي ضرر وهانتكلم علميا برضو مرورا بحنفيه البنزين حتى الجكمان الزيت هاينزل مع البنزين عادي جدا من الحنفيه ويعدي على الكربراتير عادي جدا بدون اي ضرر وبدخل ف الغرفه عن طريق الصباب برضو عادي جدا ومفيش اي ضرر وبعدين يحصل الحريق عادي جدا ومفيش اي ضرر دا لو حطيت الزيت مره مثلا او مرتين إنما لو حطيت اكتر من مره فا الضرر على المدى البعيد هايكون كالتالي اول حاجه الصباب هايطمس ويتقل ويشيل تحته زيت محروق وهاتبقي محتاج تعمل روديه وبناء عليه المكنه هتاكل بنزين كتير دا رقم واحد رقم اتنين البوجيه هايتعمي ويجلخ وشمعته هاتكون ضعيفه ودا هايخلي المكنه تأكل بنزين ومتجريش وتطلع بنزين ني ف الجكمان تالت حاجه صباب الجكمان هايعمل زي صباب البنزين وبرضو هايحتاج روديه والعادم مش هايخرج كامل فا المكنه هاتتخنق رابع حاجه الجكمان هايتسد وقطره هايقل يعني مثلا لو قطره نص انش مع الوقت هايبقي ربع انش والمكنه هاتطلع زيت محروق من الجكمان على شكل نقط أو هباب اسود وطبعا هاتبرجل وانت مش عارف البرجله جايه منين يعني لو حضرتك حطيت زيت مره مثلا او اتنين فا دا عادي ومش هايحصل حاجه (مهما حد أفتى واحل وهبد وقالك دا مضر ودا ودا) واللي يقولك اي حاجه قوله ليه؟؟؟ كدا ليه بطريقه علميه خليه يفهمك لو هو فعلا فاهم إنما لو حضرتك حطيت زيت كل شويه هايحصل كل اللي فوق دا هاتحط زيت ف التانك ولا مش هاتحط ؟الخيار لحضرتك ورمضان كريم ومتخليش حد يهبد عليك لقد ولي عهد الهبد الجميل العلم يتحدث

🌷🌷وهنا باقى الروابط التى تحتاج اليها🌷🌷

لا تشتكي حالك على كل من جـــاك

بسم الله الرحمن الرحيم

لا تشتكي حالك على كل من جـــاك:-

لا تشتكي حالك على كل من جـــاك بعض البشر يفرح إذا قلت مهمـــوم يخفي سمومه بين همك وشكــــواك يشمت بحالك والحصيله شقا ولوم واحذر من اللي ينقل الهرج لعـــداك يظهر لك الطيب وهـو منــه معـــدوم قلبـــه مريض ويخلط السم بـــدواك يعرض عليك الرأي والرأي مسموم وابَعَـــدْ عن إللي يستغلك لا جــــاك تلقـــاه دايـــم بين الأخيـــار مذمـوم احسب حسابك في كلامك ومعناك وسط المجالس كل ما ادليت بعلوم خل سمعك اكثر من كلامك وفتواك تلقى القــدر يمك من الناس ملـزوم ولا تذكر افعالك بما تجود يمنــــاك عنك الولي يدري ولك الخير مقسوم وخلك مع إللي يشتكي لك وينخـاك بك ينتخي من ضيم الأيام وهمـــوم خذها وصايا تسعـدك دوم دنيـــاك واحفظ معانيها تحفظك من اللـوم✋

🌷🌷وهنا باقى الروابط التى تحتاج اليها🌷🌷

الخميس، 9 مايو 2019

ما هو لون دخان العادم وما سببه

دخانك لونه ايه!!!

ابيض ولا اسود
لا مش دخانك انت انا اقصد دخان المكنه (العادم)
طب تعالى نشوف ونتكلم علميا
السلام عليكم ورحمة الله وبركاته

تعالوا نتكلم عن موضوع الدخان اللي بيطلع من المكنه ف حوار خفيف كدا زي السحور
عادم المحرك نوعين (مرئي وغير مرئي)
نتكلم اول حاجه عن الغير مرئي ودا الطبيعي ونورمال ف جميع المحركات واللي المفروض يكون كدا عندك وعندي وعند كل الناس والا يكون في خلل ف حاجه معينه
طيب
كدا لو معندكش عادم مرئي يبقى انت بفضل الله معندكش مشكله
طيب تاني حاجه العادم المرئي
والعادم المرئي نوعين ملهمش تالت
النوع الأول من العادم المرئي (دا عادم حميد مش خبيث) ودا لونه اسود
النوع التاني من العادم المرئي (عادم خبيث) ودا للأسف لونه ابيض
النوع الأول اللي هو باللون الأسود دا يدل على خلل ف جزء معين ولكن مش مشكله كبيره تستدعي تفكيك اي جزء من المحرك نفسه
زي ايه ؟؟؟
الحريق داخل غرفه الاحتراق يتطلب نسبه معينه من الأكسجين لكي تتم عمليه الاحتراق مكتمله صحيحه ولو تم بأي شكل من الأشكال الاحتراق بزياده أو نقص ف الأكسجين بيحصل عادم لونه اسود
يعني هباب صماد شوف انت بتقول عليه ايه
زي الشمعه لما تبقى مولعه وانت تضلل عليها بأيدك أو تحاول تحط فوقيها كوبايه أو تدخلها جوا برطمان وتقفل عليها الخ
لما الشمعه بيحصل حواليها نقص ف الأكسجين بتطلع هباب اسود قبل ما تطفي
ولو حاولت تنفخ فيها زياده قبل ما تطفي برضو هاتعمل هباب
ودا اللي بيخلي المكنه بتاعتك تعمل عادم اسود
يا اما هوا زياده يا اما هوا ناقص يا اما شمعه احتراق ضعيفه ومش قادره تشعل كل كميه البنزين اللي داخله الغرفه
طب انت كدا عرفت الدخان الأسود منين؟؟؟ ايوه بالظبط
هوا زياده أو هوا ناقص أو شمعه مش مظبوطه أو فلتر هوا مش نضيف مش بيدخل الهوا كامل عشان عمليه الحريق
طيب نتكلم عن سبب العادم الخبيث اللي لونه ابيض
دا بكل تأكيد ناتج عن احتراق نسبه معينه من زيت المحرك داخل غرفه الحريق
ازاي وصل الزيت لغرفه الحريق؟؟ دا الخلل
لان فيزيائيا المفروض ميوصلش زيت لغرفه الحريق باي شكل وتحت اي ظرف
بس مدام العادم طلع ابيض يبقى عندنا مشكله
اول مشكله واشيعها هي دخول الزيت من خلال الشنابر ودا بسبب تآكل الشنبر او تسليخ ف البستم أو تسليخ ف السلندر نفسه
تاني مشكله ودي وارده وهي دخول الزيت عن طريق الصبابات
بسبب انحناء ف عامود الصباب أو (عضه) أو بسبب تلف كاوتش الصباب
طيب تعرف ازاي سبب الدخان
ركز

الدخان هايدخل من تحت البستم أو من الصباب ملوش اي مكان تاني مش هايجيلك من الجكمان مثلا فا احنا هانعمل تست صغير اوي
هاتدور المكنه على سلانسيه
لو المكنه على السلانسيه بتدخن دخان ابيض يبقى كدا اكيد اكيد بستم
لو زودت بنزين والمكنه دخنت اكتر يبقى كدا يقين بستم
لو المكنه واقفه على السلانسيه مبتدخنش ولما تزود بنزين تدخن يبقى كدا شنبر
لو المكنه واقفه مبتدخنش ولا بتزود بتدخن بس لما تركب وتمشي بيها تدخن دا كدا صباب
طيب تعمل ايه
لو صباب حضرتك هاتحل الراس لوحدها من غير ما تشيل البستم من مكانه وتروح تغير صباب أو كاوتش أو أيا كان العطل وتعمل (روديه) وتركب وتتوكل على الله
ولو شنبر حضرتك هاتحل السلندر بالبستم وتروح تشتري شنبر جديد وتركبه على البستم وتركبه ف السلندر بس بشرط (يكون السلندر نضيف ومش مسلخ) وتتوكل على الله
ولو بستم قدامك حلين
تشتري بستم جديد بسلندر وتركبهم وتلين يومين (وسيبك من اللي بيقولك المكنه مبتلينش محدش هاينفعك)
يا اما تاخد السلندر وتروح تخرطه وتركب بستم أكبر ب 0.25 مللي
ودي انا برجحها لأن عمرها أطول لانك شغال على السلندر اللي جاي مع المكنه ودا طبعا انضف حتى لو المكنه صيني
يارب مكونش نسيت حاجه واللي عنده سؤال يتفضل

🌷🌷وهنا باقى الروابط التى تحتاج اليها🌷🌷

الأربعاء، 8 مايو 2019

مرجع شامل لجميع اعطال الموتوسيكل

بسم الله الرحمن الرحيم

كلشان ما نتكلمش كتير اليوم عملنا مرجع شامل لمعظم الاعطال وعلشان منتكلمش كتير ولا نشرح كتير نترككم مع الفيديو

🌷🌷وهنا باقى الروابط التى تحتاج اليها🌷🌷

منوعات عالميه

بحث هذه المدونة الإلكترونية

الخميس، 16 مايو 2019

الزيت المتعدد

اسباب تلف ترس الفلام وبلى المرش فى الموتوسيكل حلقة (83)

الثلاثاء، 14 مايو 2019

بنزينك ايه 80/90/92 تعرف علية

يا ربّ أغلقت الأبواب إلّا بابك

الزيت مع البنزين مفيد ولا مضر

لا تشتكي حالك على كل من جـــاك

الخميس، 9 مايو 2019

ما هو لون دخان العادم وما سببه

الأربعاء، 8 مايو 2019

مرجع شامل لجميع اعطال الموتوسيكل

السبت، 4 مايو 2019

اختبار بلاطه الشحن وأسباب التلف

مكونات الموتوسيكل الصيني تشمل عدة أجزاء رئيسية

أرشيف المدونة الإلكترونية

الإبلاغ عن إساءة الاستخدام

Translate الترجمه

التسميات

من أنا

إجمالي مرات مشاهدة الصفحة