ما هو لون دخان العادم وما سببه

دخانك لونه ايه!!!

ابيض ولا اسود
لا مش دخانك انت انا اقصد دخان المكنه (العادم) 
طب تعالى نشوف ونتكلم علميا
                  السلام عليكم ورحمة الله وبركاته

تعالوا نتكلم عن موضوع الدخان اللي بيطلع من المكنه ف حوار خفيف كدا زي السحور
عادم المحرك نوعين (مرئي وغير مرئي)
نتكلم اول حاجه عن الغير مرئي ودا الطبيعي ونورمال ف جميع المحركات واللي المفروض يكون كدا عندك وعندي وعند كل الناس والا يكون في خلل ف حاجه معينه
طيب
كدا لو معندكش عادم مرئي يبقى انت بفضل الله معندكش مشكله
طيب تاني حاجه العادم المرئي
والعادم المرئي نوعين ملهمش تالت
النوع الأول من العادم المرئي (دا عادم حميد مش خبيث) ودا لونه اسود
النوع التاني من العادم المرئي (عادم خبيث) ودا للأسف لونه ابيض
النوع الأول اللي هو باللون الأسود دا يدل على خلل ف جزء معين ولكن مش مشكله كبيره تستدعي تفكيك اي جزء من المحرك نفسه
زي ايه ؟؟؟
الحريق داخل غرفه الاحتراق يتطلب نسبه معينه من الأكسجين لكي تتم عمليه الاحتراق مكتمله صحيحه ولو تم بأي شكل من الأشكال الاحتراق بزياده أو نقص ف الأكسجين بيحصل عادم لونه اسود
يعني هباب صماد شوف انت بتقول عليه ايه
زي الشمعه لما تبقى مولعه وانت تضلل عليها بأيدك أو تحاول تحط فوقيها كوبايه أو تدخلها جوا برطمان وتقفل عليها الخ
لما الشمعه بيحصل حواليها نقص ف الأكسجين بتطلع هباب اسود قبل ما تطفي
ولو حاولت تنفخ فيها زياده قبل ما تطفي برضو هاتعمل هباب
ودا اللي بيخلي المكنه بتاعتك تعمل عادم اسود
يا اما هوا زياده يا اما هوا ناقص يا اما شمعه احتراق ضعيفه ومش قادره تشعل كل كميه البنزين اللي داخله الغرفه
طب انت كدا عرفت الدخان الأسود منين؟؟؟ ايوه بالظبط
هوا زياده أو هوا ناقص أو شمعه مش مظبوطه أو فلتر هوا مش نضيف مش بيدخل الهوا كامل عشان عمليه الحريق
طيب نتكلم عن سبب العادم الخبيث اللي لونه ابيض
دا بكل تأكيد ناتج عن احتراق نسبه معينه من زيت المحرك داخل غرفه الحريق
ازاي وصل الزيت لغرفه الحريق؟؟ دا الخلل
لان فيزيائيا المفروض ميوصلش زيت لغرفه الحريق باي شكل وتحت اي ظرف
بس مدام العادم طلع ابيض يبقى عندنا مشكله
اول مشكله واشيعها هي دخول الزيت من خلال الشنابر ودا بسبب تآكل الشنبر او تسليخ ف البستم أو تسليخ ف السلندر نفسه
تاني مشكله ودي وارده وهي دخول الزيت عن طريق الصبابات
بسبب انحناء ف عامود الصباب أو (عضه) أو بسبب تلف كاوتش الصباب
طيب تعرف ازاي سبب الدخان
ركز

الدخان هايدخل من تحت البستم أو من الصباب ملوش اي مكان تاني مش هايجيلك من الجكمان مثلا فا احنا هانعمل تست صغير اوي
هاتدور المكنه على سلانسيه
لو المكنه على السلانسيه بتدخن دخان ابيض يبقى كدا اكيد اكيد بستم
لو زودت بنزين والمكنه دخنت اكتر يبقى كدا يقين بستم
لو المكنه واقفه على السلانسيه مبتدخنش ولما تزود بنزين تدخن يبقى كدا شنبر
لو المكنه واقفه مبتدخنش ولا بتزود بتدخن بس لما تركب وتمشي بيها تدخن دا كدا صباب
طيب تعمل ايه
لو صباب حضرتك هاتحل الراس لوحدها من غير ما تشيل البستم من مكانه وتروح تغير صباب أو كاوتش أو أيا كان العطل وتعمل (روديه) وتركب وتتوكل على الله
ولو شنبر حضرتك هاتحل السلندر بالبستم وتروح تشتري شنبر جديد وتركبه على البستم وتركبه ف السلندر بس بشرط (يكون السلندر نضيف ومش مسلخ) وتتوكل على الله
ولو بستم قدامك حلين
تشتري بستم جديد بسلندر وتركبهم وتلين يومين (وسيبك من اللي بيقولك المكنه مبتلينش محدش هاينفعك)
يا اما تاخد السلندر وتروح تخرطه وتركب بستم أكبر ب 0.25 مللي
ودي انا برجحها لأن عمرها أطول لانك شغال على السلندر اللي جاي مع المكنه ودا طبعا انضف حتى لو المكنه صيني
يارب مكونش نسيت حاجه واللي عنده سؤال يتفضل

🌷🌷وهنا باقى الروابط التى تحتاج اليها🌷🌷

رابط المدونة
الجروب الخاص على الفيس
طريقه عمل انتظار فى الموتوسيكل حلقه (200 )
كيف تعرف الفرق بين تيل الفرامل الجيد والرضئ للموتوسيكل حلقه (198 )
تعرف على فلتر هواء الموتوسيكل وعيوبه حلقه (196 )
اعرف معيار الزيت فى المساعد الامامى فى الموتوسيكل حلقه (191 )
تعرف على الصباب الخامه الجيده من التعبان للموتوسيكل حلقه (202 )
تعديل متور موتوسيكل (150cc) إلى (200cc) حلقه (185 )
هذا الفديو مهم جدا عن صوت(العالى الصقفه )فى الموتوسيكل ولازم تشوفه حلقه  (178 )
اعرف معيار الزيت فى المساعد الامامى فى الموتوسيكل حلقه (191 )
اسهل طريقة لتغير حشوة الجنط الخلفى للموتوسيكل حلقه (183 )
لا ترمى ترس التقسيمه (الكامه ) يمكن إصلاحه حلقه (180 )
شرح وظيفه وصله الكربيرتير وحاوية الشكمان
ركب الة جر الموتوسيكل بأسهل الطرق حلقة (177 )
اسباب ثقل الغيارات وطرق الحل حلقه (167 )
سباب تلف ترس الفلام وبلى المرش حلقة (168)
تعرف على موبينة التكرير وعملها حلقه (164)
إصلاح المساعد الخلفى للموتوسيكل حلقه (156 )
تركيب فل ورق دبرياج اسطوانه موتسيكل صينى(103)
تعديل الضفيره البجاج (boxer )حلقه(116 )
إصلاح اللمبه الليد (led ) للموتوسيكل الصينى حلقه (152 )
تركيب سلك دبرياج بجاج (boxer )حلقه (154 )
أسباب سخونه الموتوسيكل وكيفية التعامل حلقه (151 )
أسباب توقف الموتوسيكل عند ترك يد البنزين حلقه (150 )
طريقه تغير لا فيه فرامل بالمشرشر للموتوسيكل حلقه (149 )
مشاكل البطاريه وعدم الشحن وطرق علااجها حلقه(148)
طريقة تغير تيل فرامل امامى حلقه(147 )
تركيب سلك الدبرياج للموتوسيكل الصينى (146 )
اسباب توقف ماكينه عداد السرعه وعيوبه واسلاحه حلقه(145 )
طريقه تقصير وشد جنزير البجاج (boxer )حلقه (144 )
طريقه تغير تيل الفرامل الخلفى وأنواعها حلقه (143 )
طريقة تغير بليه عجله للموتوسيكل حلقه (142)
طريقه ضبط أو شد الجنزير للموتوسيكل الصينى حلقه(141 )
أعطال حنفيه البنزين وطرق إصلاحها حلقه (140 )
تغير السين الحراراه بأسهل الطرق حلقه (139 )
أسباب توقف البوجيه او شمعه الاحتراق حلقه(138 )
أعطال كونتاك الموتوسيكل وطرق اصلاحه حلقه (138 )
سبب توقف شحن البطاريه واهم المعلومات عن بلاطه الشحن فى الموتوسيكل حلقه (137 )
تعديل النور للبجاج (boxer )حلقه (136 )