منوعات عالميه

الأحد، 28 يوليو 2019

وانت ويايا

ياما قولت ان شالله ياحبيبي ان شالله، تبقى ليّا ان شالله قلبي اتمناه، من بين الدنيا بحالها نداله وجاله الله الله، أهو ده اللي مفيش اتنين في جماله مين يبقى معاه كل ده ويفكر أو يشغل باله بناس وحياه، لا لا لا لا لا وانت ويايا ياما قولت ان شالله ياحبيبي ان شالله، تبقى ليّا ان شالله عمري ما هنساه وده وعد عليا وكلمة هأكدهاله ومن اليوم دا لو فاتوا سنين عمري هعيدهاله مين يبقى معاه كل ده ويفكر أو يشغل باله بناس وحياه، لا لا لا لا لا وانت ويايا ياما قولت ان شالله ياحبيبي ان شالله، تبقى ليّا ان شالله

🌷🌷وهنا باقى الروابط التى تحتاج اليها🌷🌷

سلامك كله حنيّة

كإنك وردة ف ايديا كلامك حلو، حتى ف ضحكتك احساس برائتك لسه طبيعية قمر ايه فوق مانا اتصوّر عليكي قلبي ياما دوّر عينيكي عاملة زي الشمس تغمّض دنيتي تليّل، تفتّح دنيتي تنوّر هدية من السما جايّة، تحلي دنيتي عليّا شهادة حق: كل ما بعرفك أكتر تزيدي حلاوة ف عينيا قمر ايه فوق مانا اتصوّر عليكي قلبي ياما دوّر عينيكي عاملة زي الشمس تغمّض دنيتي تليّل، تفتّح دنيتي تنوّر

🌷🌷وهنا باقى الروابط التى تحتاج اليها🌷🌷

أنت أول كل حاجة

والبداية ف كل شئ حب أول مرة يجي لما قلبي كان برئ انت أول كل حاجة وانت عارف كنت ايه وانت أول حد يمشي ودمعتي تنزل عليه كنت أول كل حاجة بتجرى ليّا كنت أول روح بتلمس حاجة فيّا كنت أول حب يجي ونفسي يفضل كنت أول فرحة بتمناها تكمل كنت أول حد برسم صورة ليه كنت أكتر حد بعرف قيمتي ليه كنت بالنسبالي نفسي وكنت بكره كنت عمري بس ليك انا كنت فترة اللي يعرف م البداية النهاية هتبقى فين مش هيغلط ف اختياره، بس نعرف ده منين كنت آخر مرّة آمن، والمآمن بس مين مفتكرش هحب تاني، صعب أغلط مرّتين

🌷🌷وهنا باقى الروابط التى تحتاج اليها🌷🌷

الأحد، 7 يوليو 2019

انواع الدرجات النارية

بسم الله الرحمن الرحيم

انواع الدرجات النارية

زي ما اتفقنت اي حاجه بعجلتين و موتور تبقي دراجه ناريه ؛ الدراجات الناريه ليها اشكال كتير و انواع حنتكلم عن اهمها في السوق المصري عشان الي حابب يشتري موتوسيكل يبقي عارف هو بيشتري ايه وليه و ايه الانسب لاستخدامه و احتياجاته و كل شكل ايه استخدماته و مميزاته و عيوبه و اشهر موديلاته . SPORTBIKE من اشهر اشكال الدرجات الناريه في مصر هي الريس - درجات السباق- و اعتقد ان معظم الناس عارفين شكله او صوته على الاقل بالاخص الشباب :) الريس هو دراجه ناريه رياضيه يميزها السرعه العاليه و القوه والتسارع، المناوره، و الفرامل القويه . وزنها خفيف في الغالب محتاجه عقل و درايه عاليه بقياده الدرجات الناريه لسرعتها العاليه و تسرعها القوي . - غير مريحه عموما عشان التصميم الانسيابي و تقليل مقاومه الهواء الي بيخليك تبقي نايم فوق الموتوسيكل عشان الهواء - مفيش اماكن تخزين لو بتتحرك بيها مشاوير يوميه. - ارتفعها عن الارض منخفض فغير مناسبه للسير في عده اماكن خصوصا في مصر. - ارتفاع مصاريف التشغل و كثر الاعطال بالنسبه للانواع التانيه. STANDARD/NAKED و دي تعبر ليها اداء الريس بس مريحه اكتر مفهاش فيبر في الغالب او فيبر قليل بالمقارنه بالريس قاعدتها مريحه اكتر سهل تتحرك بيها في الزحمه عمليه اكتر للحركه داخل البلد بس متقدرش تجري بيها زي الريس عشان الايرو دينمكس تقدر تركب عليها شنط عشان تقضي مشاويرك اكثر ارتفاع عن الارض مقارنه بالريس مصاريف التشغيل و الصيانه زي الريس DUAL-SPORT من وجهة نظري الشخصيه تعتبر افضل الدرجات الناريه اذا تجاوزنا جزء السرعه في بعض الموديلات تقدر تمشي بيها على الاسفلت و في الطينه و الرمله تطلع بيها رصيف تمشي على الحيط :) بتتعامل مع المطبات زيها زي الاسفلت :) بتديك فرصه انك تروح اماكن كتير و مش بتقلق من حاجه. محتاجه سواقه خاصه شويه عشان الارتفاع العالي ليها فراملها مش قويه قوي زي باقي الموتوسيكلات و كمان التسارع اقل من موتوسيكلات كتير بالنسبه لبعض الموديلات CRUISER او زي ما ناس كتير بتقول عليه هارلي شكله شيك ليه صوت مميزه في الغالب حتلاقي فيه كروم كتير و معمول للمشي بسرعات متوسطه في الغالب للاسمتماع بالطريق ارتفعاها منخفض سهله السواقه بيركب له اكسسورات كتير المناوره فيه اقل من موديلات تانيه و وزنه تقيل في الغالب TOURING و دي مخصصه للسفر على طرق ممهده حجمها كبير في الغالب يميزها حمايه من الطقس زي واقي من الرياح و المطر و فيرينج بيحمي معظم جسمك فيها مساحات تخزين كتير تكفي انك تاخد كل حاجه محتاجه في السفر انواع منها فيها كاسيت و سخانات كراس و مقابض اخر دلغ يعني :) معظم موديلاته اسعارها مرتفعه . Dirt Bikes و دي معموله عشان تمشي على الرمله او الطين مش مخصصه للاسفلت و بعض الانواع منها مفهوش فوانيس او اشارات وزنها خفيق قويه عاليه عن الارض adventure touring و دي بتجمع بين TOURING و ال adventure يعني مريحه في السفر بس مجهزه للطرق الغير ممهده . SCOOTER و ده انسب حاجه للزحام و المدينه عشان اوتماتيك فيه اماكن تخزين سهل السواقه في الغالب حجمه صغير تقدر تعدي بيه من اي حته استهلاك وقود جيد الاكثر عمليه في شوارع مصر الاكثر انتشار منه المحركات الصغيره 150 سي سي و دي غير مناسبه للسفر بسرعات عاليه الموتوسيكل الصيني او الهندي :) و دول الاكثر انتشار في اي مكان في مصر سرعه رخيص عملي جداا بيعمل كل حاجه تتخيلها يعيبه السرعه و الاهتزازات -الهندي افضل من حيث الجوده و الاهتزازات-

🌷🌷وهنا باقى الروابط التى تحتاج اليها🌷🌷

الثلاثاء، 25 يونيو 2019

لكل مقبل على شراء موتوسيكل مستعمل

بسم الله الرحمن الرحيم

لكل مقبل على شراء موتوسيكل مستعمل :-

كثيرا منا ليس معه ثمن موتوسيكل جديد نظرا لظروف المعيشة الصعبه التى نمر بها هذة الايام من معناة مع الاقتصاد وغيرة وارتفاع الدولار وانخفاض الجنية اذا الكل منا يبحث عن المستعمل ولكن كلنا ليس لنا الخبرة الكافية لشراء موتوسيكل مستعمل وابالتالى نريد ميكانيكى للمعاينة وايضا كهربائى صح وان صح الكلام هل انت واثق من هذا الرجل الذى يكشف عليه فهذا ما يدور بزهننا قبل الشراء لذلك قمت بعمل فيديو للشرح فيه عن ماذا تفعل وتكون مطمئن على فلوسك التى تعبت فيها وتخاف ترميها من غير استفاده منها وهذا ما فكرت بان اساعدك من خلال الفيديو

🌷🌷وهنا باقى الروابط التى تحتاج اليها🌷🌷

العِدَد وُالأدوات الَّلازِمَة فِي صِيَانَة مُوتُوسِيكَل Bajaj Boxer BM150 )

( العِدَد وُالأدوات الَّلازِمَة فِي صِيَانَة مُوتُوسِيكَل Bajaj Boxer BM150 )

بناء علي طلب الاخوة الاعضاء اللي كانوا عاوزين يعرفوا إيه العدد والادوات المطلوبة في صيانة موتوسيكل Bajaj Boxer بفضل الله جمعت العدد اللي عندي وصورتها وقلت انزلها في بوست علشان تعم الفائدة علي الجميع وكتبت قدام كل عدة بعض الاستخدمات لها العدد والأدوات كالأتي :- ☆ مفتاح 32 ويتم استخدامه في فك وربط صامولة الجادون ☆ مفتاح 27 ويتم استخدامه في فك وربط صامولة اكس الترس الخلفي لالة الجر ☆ مفتاح 19 ويتم استخدامه في فك وربط صامولة اكس المقص ☆ مفتاح 18 ويتم استخدامه في فك وربط طبة الزيت ☆ مفتاح 17 ويتم استخدامه في فك وربط كلٌ من :- 1-صامولة الأكس للعجلة الأمامية 2-الصامولتين العلويتين للمساعدين الخلفي 3-صامولة ومسمار الحمال الدبوس الشمال 4-المسامير العلوية للمساعدين الأماميه في الفرش ☆ مفتاح 14 ويتم استخدامه في :- 1-رأس مسمار الاكس الأمامي للعجلة الامامية 2- مسمارين المساعدين الامامية السفلي في الفرش 3-رأس مسمار أكس المقص 4-مسمارين وصامولتين تثبيت الموتور بالشاسية 5-صامولة مسمار الفلنش الخلفي 6-صواميل الإشارات ☆ مفتاح 13 ويتم استخدامه في :- 1- 4مسماير الرفرف الأمامي لتثبيتها في المُساعدين 2- 4 مسامير تثبيت ماسورة الجادون ☆ مفتاح 12 ويتم استخدامه في :- 1- 7 مسامير وصواميل ودول وظيفتهم تثبيت الموتور بالشاسية 2- مسمارين السنادة الشمال اللي فيها الحمالة الدبوس وايضا مسمارين السنادة اليمين 3-المسمار السفلي للمساعدين الخلفية في المقص 4- مسمارين الرفرف الخلفي 5- صامولتين الشكمان علشان يتثبتوا في الموتور ☆ مفتاح 10 ( يستحسن انه يكون بيبة ) ويتم استخدامه في :- 1- تثبيت صامولتين العداد 2-مسمار قفيز المراية ( اليمين والشمال) 3- تثبيت 5 مسامير علبة الجنزير في المقص 4- صامولة الكلاكس ☆ مفتاح 8 ( يُستحسن انه يكون بيبة ) ويتم استخدامه في :- 1-تثبيت مسامير وش الزيت و وش الكهرباء في الموتور 2- تثبيت مسامير الشاسية اللي بيركب عليه الفانوس الأمامي 3-تثبيت 4 مسامير غطاء وش السلندر الأسود ( غطاء التكيهات اعلي الموتور ) ☆ مفتاح الانكيه 5 ويتم استخدامه في فك وربط مسمار الانكيه كرسي الشلته ☆ مفتاح الانكيه 4 ويتم استخدامه في فك وربط مسمارين الترس الأمامي لالة الجر ☆ فرشاه للتنظيف وتستخدم للتنظيف من اثر الشحوم والاوساخ والاتربة في الاجزاء المختلفة من الموتوسيكل ويُستحسن انها تكون فرشة اسنان قديمة ☆ مفك عادة وصليبة وبنسة (زرادية ) طبعاً لا غني عنهم في اي منزل وبيتم استخدامها في اجزاء متفرقة من الموتوسيكل ☆ قمع بلاستيك صغير ويستخدم في اضافة الزيت للموتور ☆ بخاخ ويتم تعبئته بالبنزين ويستخدم في التنظيف ☆ مفك عادة صغير ويُستخدم في حالة ضبط الكربراتير ☆ مفتاح البوجيه ودا طبعاً دا لا غني عنه بيبقي موجود في كيس مكانه موجود تحت البطارية ☆ مفتاح 22 ويتم استخدامه في فك وربط صامولة أكس العجلة الخلفية ☆ اداة للتزييت برضة من الحاجات المهمة جدا في ادواتك للصيانة في الموتوسيكل ان يكون عندك اداة للتزييت تستخدم لتزييت الجنزير والاجزاء المتحركة مثل الحمال الدبوس وغيره وغيره من اجزاء الموتوسيكل المشابهه وانا صراحة بافضل انه يكون عندك قطرة عين تكون فارغة ( انا عارف انها بلدي قوي ولكن لوچيك المصريين يا جماعة 😂) مش بنسيب حاجة الا لما نستغلها الاستغلال الامثل مع انه عندي ماكينة تزييت ولكن بأُفضل قطرة العين الفارغة علشان بصراحة بتخليني اتحكم في التزييت افضل بكتير من المكنة ☆ فيلر ضبط التكيهات ويستخدم في ضبط التكيهات وصراحةً الحمد لله ان الفيلر اصبح مؤخراً من عدتي اللي بستخدمها في صيانة الموتوسيكل لان علشان تروح تظبط تكيهات عند ميكانيكي ده معناه عطلة اكتر من 4 الي 5 ساعات لان علشان يتم ضبط التكيهات جيداً لازم الموتور يكون بارد تماماً وده بيحتاج وقت طويل من 3 الي 5 ساعات علي حسب حالة الجو وبغض النظر عن العطلة في الوقت ايضاً مصنوعية ضبط التكيهات مكلفة ( حوالي من 30 الي 50 جنيه بالأضافة الي ان الميكانيكية غالبيتهم بيظبط التكيهات بدون فيلر وخاصةً في الموتوسيكلات الإقتصادية فمن الممكن يحصل ان الضبط يبقي مش سليم نتيجة انه مش بيستخدم مقياس مظبوط ودا في حالة اذا كان الميكانيكي مش متمكن فالحمد لله ان الفيلر اصبح من ضمن عدتي وبفضل الله اتعلمت ضبط التكيهات تمام وربنا ما يذلكم ولا يذلنا لأي حد مُلاحظات تخلي بالك منها وانت بتستخدم اي اداة او عدة :- 1- يُفضل ان العدة والادوات تكون صناعة نضيفة علشان يبقي لها عُمر معاك وفي نفس الوقت تحافظ علي المسامير والصواميل 2-اذا لقيت اي عدة عندك اسنانها بدأت تبوظ بلاش تستخدمها لانه للاسف هتبوظ المسامير والصواميل 3- اذا كنت حديث خبرة في استخدامك للادوات والعدد اترك لنفسك وقت انك تتعلم بعض اعمال الصيانة الدورية الخفيفة من خلال ذهابك للميكانيكي زي مثلاً ( تنظيف فلتر هواء - تغيير الزيت وفلتر الزيت - فك وتركيب البوجيه - تشحيم وتربيط العجل - شد وارتخاء الجنزير - والعديد من اعمال الصيانة الخفيفة ) وتبقي قوي الملاحظة في كل كبيرة وصغيرة بيقوم بيها الميكانيكي علشان تقوم بالمهمة دي لوحدك بعدين 4- يُرجي عدم الصيانة والموتوسيكل درجة حرارته مرتفعة وخاصة الموتور 5-المسامير والصواميل تبقي خالية من الزيوت والشحوم ويتم تنظيفها بقطعة قماش قطنية قبل التربيط

ونترككم مع الفيديو

🌷🌷وهنا باقى الروابط التى تحتاج اليها🌷🌷

الأربعاء، 12 يونيو 2019

احترف صيانه الموتوسيكل

🌷🌷وهنا باقى الروابط التى تحتاج اليها🌷🌷

منوعات عالميه

بحث هذه المدونة الإلكترونية

الأحد، 28 يوليو 2019

وانت ويايا

سلامك كله حنيّة

أنت أول كل حاجة

الأحد، 7 يوليو 2019

انواع الدرجات النارية

الثلاثاء، 25 يونيو 2019

لكل مقبل على شراء موتوسيكل مستعمل

العِدَد وُالأدوات الَّلازِمَة فِي صِيَانَة مُوتُوسِيكَل Bajaj Boxer BM150 )

الأربعاء، 12 يونيو 2019

احترف صيانه الموتوسيكل

حبيبتي غارق أنا

أرشيف المدونة الإلكترونية

الإبلاغ عن إساءة الاستخدام

Translate الترجمه

التسميات

من أنا

إجمالي مرات مشاهدة الصفحة