لما حد يجي يسألني اتعلمت ايه من الدنيا ؟؟؟
" اتعلمت من الدنيا "
١- إن مفيش حاجه ثابتة وكل حاجه ممكن تتغير فجأة
٢- الطيبة الزيادة بتتحول لهبل وسذاجة وبتخلي الناس تبتزك وتستغلك وتيجي عليك من غير رحمة …
٣- متجيش علي نفسك قوي عشان محدش بياخد بالة من أي حاجة عملتها كلة بتساوي في النهاية
٤- أتعلمت أقول* لاء* لأي حاجة ممكن تأذيني وتوجعني ومش هكون مرتاح فيها …
٥- أتعلمت مكنش في المكان اللي مش مرتاح فيه ومغصبش نفسي علي أي حاجة
٦- صحتك ونفسك واقرب الأقربين ليك في دايرتك بس هما اللي بيحسوا بيك جدا جدا جدا وهما اللي يستاهلوا تعبك ومجهودك ووقتك وطاقتك
٧- اتعلمت اشوف عيوبي واصارح نفسي بيها واحاول اغيرها وأصلحها للأفضل …
٨- أتعلمت مبصش علي الماضي اللي فات بس اتعلم منة اكون أقوي وانضح وافضل
٩- أتعلمت اني ديما اكون واقف على رجلي ومتحوجش لحد غير ربنا لأن الحوجة وحشة
١٠- أتعلمت أن القرب من ربنا الامان والسند والطمأنينة
١١- أتعلمت اكون مستعد لأي صدمة ممكن تحصل في اي وقت وازاي افكر فيها بهدوء
١٢- أتعلمت أن العصبية نهايتها وحشة وكل القرارات وقتها بتكون غلط …
١٣- أتعلمت ازاي اسعد نفسي بنفسي وازاي استمتع بأي لحظة في حياتي حتي لو كانت بسيطة
١٤- أتعلمت ازاي احب نفسي كويس واعرف قيمة نفسي
١٥-أتعلمت مضيعش وقتي ومجهودي وطاقتي في حاجة متستاهلش …!!
ليست هناك تعليقات:
إرسال تعليق
اذا اعجبك الموضوع فضلا وليس امرا اترك تعليقك لتشجيعنا على الاستمرار
ملحوظة: يمكن لأعضاء المدونة فقط إرسال تعليق.