ابقى افتكرنى

ابقى افتكرني..

لما تخسرني بعمايلك..

ابقى افتكرني لما كنت بموت وأحيالك..

وقول لنفسك انت ضيعت بأيديك..

قلبي اللي حبك واللي كان بيموت عليك..

ابقى افتكر.. إخلاصي وانت بعيد عليا..

وقول لقلبك ..انت ليه فرطت فيا..

ابقى احكى عنى لحد غالى تعرفه..

وقول على الوهم اللي كنت مألفه..

وان جيت ف يوم. حبيت تلوم. لوم ضميرك.. 

على حبنا..وحكون انا..بقيت لغيرك..

ابقى افتكرني وحد تانى يكون معاك..

حد اشتريته وخد مكاني يكون هواك..

يومها افتكر اساك عليا..

واللى كنت عمله فيا..

وشوف بقى الفرق اللى يوم حتحس بيه..

بين قلب حب.. واى قلب تشتريه..

افتكرنى بحكاياتى..

بالسهر وياك ليلاتى..

افتكر قلبى اللى حبك..

اللى خانه وظلمه قلبك..

مش بقول خليك فاكرنى..

بس اقولك..افتكرنى