ردوا السلام .. ولا السلام ده غالي
ردوا السلام وما تطلعوش في العالي يا سلام
******
ردوا السلام وما تجرحوش احساسي
وفكروني عملت ايه لو ناسي
وريحوني ده انتوا اهلي وناسي
ولا المرار في شرعكم احلى لي
ردوا السلام وما تطعلوش في العالي يا سلام
********
ردوا السلام وما تبعدوش وتعالوا
وما تزعلوش من كلمتين اتقالو
وده عيش وملح وعمر تاني بحاله
بس الزمان عمره ما غـنَّى لي
ردوا السلام وما تطلعوش في العالي يا سلام
*********
ردوا السلام وكفاية غلبتوني
ردوا السلام وكفاية توهتوني
واللي شافوني تاهوا لما شافوني
قالوا يا عيني ع سهر الليالي
ردوا السلام وما تطلعوش في العالي يا سلام
*********
ردوا السلام وسلموا يا احبابي
ردوا السلام ولا عاجبكوا عذابي
يا هل ترى حتعدوا يوم على بابي
ولا الاوان قال للزمان وانا مالي
ردوا السلام وما تطلعوش في العالي يا سلام
ليست هناك تعليقات:
إرسال تعليق
اذا اعجبك الموضوع فضلا وليس امرا اترك تعليقك لتشجيعنا على الاستمرار
ملحوظة: يمكن لأعضاء المدونة فقط إرسال تعليق.