طريقة تركيب سلك دبرياج الموتوسيكل الصينى بكل سهوله طريقة تركيب سلك دبرياج الموتوسيكل الصينى بكل سهوله يمكنك متابعه المنشور على الفيس بوك والاستفاده منه وتعرف ازاى تتصرف لحين الوصول الى أقرب محل صيانه لكن هقدملكم اليوم طريقة تركيب السلك بنفسك فى الشرح ده ان شاء الله هنتعلم نركب لنفسنا سلك جديد ونواصل طريقنا بدون خطوره أو متاعب وكلنا عارفين ان من الأعطال الشائعه فى الموتوسيكلات قطع سلك الدبرياش فجأه بدون سابق انذار هنشرح لحضراتكم طريقة تركيب سلك جديد بكل سهوله وبأدوات بسيطه جدا الأدوات المطلوبه معانا مفتاح ربط بمقاس 12 وزراديه (بنسه عاديه) وسلك دبرياج جديد معاك تملى فى المشاوير البعيده وتطبيق الخطوات دى أولا بنشترى سلك جديد خاص بالموتوسيكل بنفس شكل وطول السلك القديم الخاص بنوع الموتوسيكل بتاعك وده بيكون شكل السلك فى جميع أنواع الموتوسيكلات الصينى الاختلاف فقط بيكون فى طول السلك خلى بالك تطابق الطول بين السلك الأصلى القديم والجديد مهم جدا علشان تقدر تتحكم فى شد وارخاء السلك بعد كده بنفك السلك القديم من الموتوسيكل وطريقة الفك بسيطه جدا نبداء من بداية السلك فى الأعلى على مقبض الدبرياج و مكان السلك فى جميع الموتوسيكلات واحد بنحرر بداية السلك من مقبض الدبرياج فى الأعلى بعد كده بنفك السلك من على الموتور وطريقة تحريرالسلك من مكانه على الموتور بواسطة مفتاح الربط مقاس 12 بنفك الصاموله المشار لها فى الصوره السابقه وبعدين بنخرج السلك من مكانه على التيش بعد فك السلك القديم من الأعلى والأسفل بنسحب السلك القديم من مكانه وندخل السلك الجديد فى نفس مسار السلك القديم يعنى وانت بتشد السلك لاخراجه من هيكل الموتوسيكل اتبع مساره واعرف مكان السلك فى هيكل الموتوسيكل - بعد كده نمررالسلك الجديد فى نفس المسار ونبداء توصيل السلك من الأعلى فى مقبض الدبرياج فى نفس مكان القديم بعد توصيل السلك فى مقبض الدبرياج نتجه للأسفل ونمرر السلك الجديد فى نفس مكان السلك القديم وبعدين نركبه فى نفس مكان السلك القديم أيضا داخل تيش الدبرياج وكلنا عرفنا تيش الدبرياش فى الصوره السابقه بعد كده نأتى لضبط السلك وشده بالنسبه المطلوبه لو حبيت تشد السلك بتفك الصاموله رقم واحد المشار لها فى الصوره القادمه وتربط الصاموله رقم اثنين ولو حبيت ترخى السلك بتعكس بتفك الصاموله رقم اتنين وبتربط الصاموله رقم واحد يارب أكون وفقت فى الشرح وأفادتكم ياريت تعرفونى رأيكم فى التعليقات https://youtu.be/eNteg8dl6bI