التأكد ان كانت بلاطة شحن الموتوسيكلات الصينى تعمل أو لا بطريقه سهله جدا لمعرفة أداء بلاطة الشحن فى الموتوسيكلات الصينى اتبع الأتى اولا ماهى وظيفة بلاطة الشحن فى الموتوسيكل تقوم بلاطة الشحن بمتصاص الطاقه الكهرومغناطيسيه الوارده من دوران المغنطيس حول ملف الكهربا وتحويلها الى كهرباء صالحه للاستعمال ثم تقوم بتقسيم هذه الطاقه بين البطاريه وباقى الأجزاء المتصله بالكهرباء فى الموتوسيكل ازاى نعرف ان البلاطه دى شغاله ولاعطلانه بسيطه جدا هنقوم بفصل البطاريه عن الموتوسيكل من خلال أحد الكابلات السالب أو الموجب وبيكون ديما لون الكابل السالب أسود ولون الموجب أحمر وبيكون تحت الكابل السالب علامه ( ــ ) وبيكون تحت الكابل الموجب علامة ( + ) بعد فك أحد الأسلاك بنشغل الموتوسيكل وبنفتح النور الكبير ونشوف النور شغال ولا مش شغال لو لقيت النور شغال بس ضعيف بتزود بنزين وتلاحظ ان النور بيشتد مع تزويد البنزين لو لقيت النور شغال تمام مع تزويد البنزين وبيشد ويزيد سطوع لدرجه كافيه للرؤيه ليلا يبقى البلاطه تمام وشغاله بأداء جيد لو النور بيشتد لكن بسطوع بسيط لا يكفى للرؤيه يبقى البلاطه شغاله لكن بأداء غير جيد يعنى باقى فى عمرها وقت قليل ولو النور لا يعمل مع التزويد ولا غير التزويد يبقى تعرف ان البلاطه عطلانه لاتعمل وطبعا دى ملهاش صيانه بتشيل البلاطه القديمه وتركب غيرها جديد يارب يكون الكلام واضح وسهل لحضراتكم https://youtu.be/viLLFNJnThE