يا عم رد عليّا
واعملليّ ايْ طريقة
الدنيا لفـّت بيّا
والقلب حسْ بضيقة
بأرن م الصّبحيّة
ولا حد رد عليّا
لو لسّه عندك نيّة
كلمني لو دقيقة
,,,
يا عم رد عليّا
زيْ ولاد الاصول
نص الغرام ملاغيّة
مش شرط انك تقول
كان نفسي ارتاح شويّه
ورقمك قدّام عنيّا
لمّا تكنسل عليّا
اعرف انك مشغول
,,,,
عزة نفسي تراضيها
برسالة ف كلمتين
يطمّن قلبي بيها
وتقولليّ انت فين
واللا هوايتك يا عيوني
انك تسمع كولتوني
وعيون الناس قفشوني
من أوّل رنتين
,,,,
لو كنت حذفت اسمي
وبقيت م المحظورين
خلـّيه يدّيني مغلق
وارتاح ولو يومين
وأنا ابحث عن حروفك
علشان قلبي يشوفك
وساعتها تجيب ظروفك
للبحر فى خطوتين
ليست هناك تعليقات:
إرسال تعليق
اذا اعجبك الموضوع فضلا وليس امرا اترك تعليقك لتشجيعنا على الاستمرار
ملحوظة: يمكن لأعضاء المدونة فقط إرسال تعليق.