اللى ملوش خير فى أهله
ملوش خير فيك
ويبقى خاين بطبعه
إن شال منك يإذيك
واللى يبيع ناسه
يبيعك قبل مايشتريك
ولا يوم يصون عشرتك
ولا يصعب عليه يجافيك
وإن غبت عنه سنه
عمره مايسأل فيك
أنانى ميحبش ألا نفسه
وعشان مصلحته يماشيك
طماع والطمع فى طبعه
يتمنى ياخد اللى فى إيديك
مفيش حاجة تملا عينه
ولو خد كل اللى ليك
وعمره مايمد إيده ويديك
لو الزمن جار عليك
اللى يبيع أهله وناسه
من السهل عليه يرميك
لا تصاحبه ولا تماشيه
ولا حاله يصعب عليك
لو عملت فيه المعروف
هتندم لما يعض إيديك
..........
ليست هناك تعليقات:
إرسال تعليق
اذا اعجبك الموضوع فضلا وليس امرا اترك تعليقك لتشجيعنا على الاستمرار
ملحوظة: يمكن لأعضاء المدونة فقط إرسال تعليق.